哨牙，側面嘴突，門牙突出，上唇突起，中線唔齊個嘴感覺好歪,令我細個既時間好鐘意用手遮天個嘴,講真，邊個唔想開心笑，係人都知笑係無敵既。問題係，照鏡個時覺得合埋個口咪埋咁笑，以為咁靚d，但原來比人個感覺好唔自然，好造作，加上用手遮住黎笑都已成為習慣。
成日話時箍牙，但又無恆心去儲錢，直至見到同事用鋼箍，箍完出黎好靚之後，我就問佢拎左牙醫既地址約檢查，牙醫話我d牙未算好亂，所以問我有無興趣用隱適美。起初上網搵有關箍牙既資料，睇到隱適美價錢好貴有d卻步，但一諗到工作要見人、同埋用鋼箍要脫牙，但隱適美唔需要。佢同鋼差左一萬蚊，把心一橫就開始我既隱適美之旅啦！
仲記得係2015年11月開始，照x-ray、倒模、拎第一個箍，真係覺得自己一個少少願望實現了。帶左約35個箍，就已經齊左好多。到第二次再倒模，轉左用電腦整模，帶多12個就完成了。時間比我預期快好多，當然都要自己好勤力帶得夠時間。面部輪廓都真係會對稱左^^
不過，就要同我最愛既咖哩講再見啦！因為我食完咖哩，用水沖完個口，立即帶返都會黃既，除非立即刷牙啦！依家笑，不需要再用手遮口，想笑就笑，要同自卑講再見！