Invisalign Reviews*

細個時啲牙已經唔係好齊，之後愈大愈唔齊，所以小學至大學階段甚至去到出黎做野之後足足接近20年都冇乜點露齒笑住黎影相，好多時都俾人話我「木」住個咀影相做乜野，成日叫我E起棚牙笑🙊 但始終打不開心理關口，有苦自己知😩就算平時成日忍唔住大笑都一定一定會用隻手掩住個口黎笑，驚死俾人見到自己棚好醜怪既牙齒。。。🙊🙊😣 所以好細個已經好想箍牙，而且有個夢想就係大個之後可以整返靚啲牙然後好有自信咁依起牙齒笑住影一輯好靚既婚照👸 但礙於屋企經濟環境亦知道箍牙費用昂貴，所以一直冇去箍👉👈到出黎做野之後自己賺到錢，決定去搵牙醫箍牙💪 點知第一個搵既牙醫俾左個好差既經歷俾我😰佢同我講我啲牙既情況太惡劣，要去搵其他負責做手術既牙醫先有得搞，話佢幫唔到我。。。😨當時我心情跌到落谷底，喊左成晚😭自此之後就打消左箍牙呢個念頭😩😖 後來又過左好幾年偶然下見到有Invisalign的免費講座，講解箍牙是怎樣一回事，於是又燃起我既興趣再去接觸箍牙這回事🔥就去左聽嗰個免費講座。講座既分享講到箍牙係好簡單好容易，而且講座後有得約見醫生作個別了解。 我就係咁去左一間invisalign認可既診所度見醫生，佢地就幫我照左x-ray然後好詳盡咁講解我D牙既情況俾我聽，聽到我忍唔住喊（因為情況係好惡劣😢），個姑娘超有耐性安慰我，同埋醫生好俾同親切感我💜佢地都好專業👍令我慢慢對自己Ｄ牙既情況有返少少信心💖 開始戴隱形牙箍之後其實對我日常生活影響唔太大，食野都好方便，最緊要係好多時ｄ人都唔覺得我有戴牙箍😉 到宜家箍左年半都已經可以好自信地依起黎笑住影相，個人都真係開心左好多☺宜家我仲要兩個箍就完成嚕！好期待啊～😌💙

我排牙唔齊左幾甘年，唔單止笑，講野都唔想，一開口，見d人死死的釘住我排牙望，我知你想望咩� 有一日，見到invisalign 既廣告，相中既女主角從自信散發既光線，我好羨慕，突然醒覺，要堅持對美好既追求，成為我人生既目標，係2016年4月開始左箍牙之旅� 帶牙箍唔係想像中咁恐怖，只要注意牙齒同牙箍既衞生清潔，每日帶牙箍最少22個鍾，忍少少痛，因為食少左野，又可以減肥，排牙愈來愈齊，自信心返晒黎� 真係好感激發明invisalign, 一路幫助我既牙醫團隊，人生永遠冇太晚既開始，無論咩年齡，整靚排牙可以體會到人生既樂趣，我做到喇，你呢？

喺呢到做個療程真心認為冇揀錯、醫生同姑娘態度都好好、講解清晰有耐性、而且就係俾人感覺專業、同出邊嘅三流牙醫比係差幾個層次～ 以後都會介紹朋友黎））

箍咗只係個幾月, 睇返啲相, 對比起未箍個時, 已經有少少分別。 戴Invisalign, 真係冇人會發現自己箍牙。 一開頭癡attachment係門牙, 都怕人地睇到, 會唔敢擘太大個口/笑得太豪, 但試過有一個friend 見咗幾次都唔知我箍緊牙, 係我主動講佢先知; 又試過同fd食完成餐飯, 佢先知我戴緊箍(因為好快手除箍, 用Tissue遮住佢都冇為意), 同埋會大概一個月見一次牙醫, 跟得好緊, 冇乜嘢擔心, 所以而家已經好放心, 好放鬆咁去箍。