終‧於‧箍‧好‧啦！ 嘻嘻
仲記得第一次行入去診所決定做Invisalign嗰陣喺2016年1月，一嚟有免費檢查同諮詢，二嚟就畢業出黎做嘢，出活動又唔想俾啲朋友見到銀牙鋼線，但心又好想箍返靚棚牙，所以就決定做Invisalign
決定做Invisalign之後，診所幫我做咗一系列諮詢﹑評估同事前準備，包括由醫生檢查適唔適合用Invisalign箍牙同洗唔洗剝牙﹑影牙齒相做記錄﹑照X-Ray﹑倒模﹑Send資料去美國做分析同出掃瞄等等，兩個禮拜後再返醫生到睇電腦模擬動畫同預計療程，我嗰Invisalign矯齒旅程就正式開始啦！
喺呢一年幾嚟，我都算喺好乖咁戴住牙箍（每日戴20個鐘以上﹑除咗食飯﹑刷牙﹑檢查同換箍外都無除）；而每次覆診果陣醫生都會檢查下我嘅進度同根據系統預定嘅程序幫我做下磨牙﹑上Attachments上釘﹑拉橡筋（咁岩我要），由系統儀器加上牙醫確保我嗰療程嘅進度同效果良好，好well-planned！
不過Invisalign始終都喺電腦技術同模擬系統，我實際箍牙嘅情況可能受到其他因素影響（可能我有時牙套戴得唔足），效果比預定有少少出入，但大致上都好有效！而最重要喺箍咗都無人知：Ｐ
箍咗成年，最開心莫過於每次見親啲親戚朋友又無人察覺到我箍緊牙，喺到食飯要除牙套先發現到，箍住牙都可以開懷大笑，而且過程都幾舒服（只喺每次換新箍初頭果一兩日會緊少少少少），仲要可以隨時除箍想食乜就食乜，真是多麼的爽～～箍完牙齊咗健康咗唔再講，有啲fds話我箍完牙之後面形都收緊咗，再搭上charming嘅笑容，真喺剎食咗好多：P
Invisalign真喺好強大，箍完牙都無人知之餘仲可以大吃大喝，啲牙又易打理，真心見證住自己棚牙由倒及唔齊到而家齊晒又靚，仲要面形都靚埋，真喺好開心呀，多謝Invisalign！�