Invisalign Reviews*

各位真係要三思，真實個案，牙係一世的。想㧜Invisalign的朋友，花小小時間睇下衣篇文。 之前去中環環球大廈名醫到㧜牙，頭兩次去當然係好好啦，按預約時間大約等半個鐘就會見到醫生做檢查，之後姑娘會好耐心地解釋，有哂3D模擬效果，每一個月返黎比醫生檢查check實個進度。 但比左錢之後，實際情況係每次按預約時間上到去診所，等至少一個鐘，最耐等過兩個半鐘先見到醫生，但醫生用唔夠五分鐘簡單檢查下就話"都ok呀，跟返進度，下個月再返黎"就完結。不論你連投訴，約任何時間，結果都係一樣。即使中途問過醫生，覺得進度晚，同效果圖有出入，醫生都話差不多。有時醫生檢查完叫姑娘安排簽x ray影相，但預約時間係3pm，當時已係係5pm, 姑娘話趕時間就下次再照。下一個月返黎問姑娘，姑娘就話：唔係你話照就照，有需要我地會安排。 好辛苦捱過兩年，我總共71套牙模，帶左6x套，果次姑娘話㧜得差不多，最後幾套模係固定作用的，就快會㧜完，所以下次檢查要預長小小時間。點知下次返黎，醫生就話效果唔理想，要我拔牙再㧜多兩年，拔牙要比錢。當時我表示唔想拔牙，醫生就話可以加兩枝針落牙床，幫助固定，再可以免費帶多兩年模。之後就請姑娘再解釋，姑姑銷售技巧非常好，解釋是非常小事情，好簡單係牙高d放枝MIA，會打麻醉藥唔會好痛，係診所就做到。講完價錢，就叫我約時間。之後我返屋企上網search 過，一d都唔簡單，加MIA係一個手術，亦有風險的！當時醫生和姑娘都完全係提過風險！所以我打電話返診所，同姑娘講我決定只帶多兩年模，唔加MIA。姑娘最初話OK, 之後又話醫生話唔得，加MIA係必須, 沒有其他option. 我再多次問過姑娘，加MIA有風險，我唔考慮，我可以有咩選擇？姑娘回覆：1. 加MIA帶多兩年；2. 即時停止療程。 迫於無奈，我搵Invisalign幫助，但他們只會聽你的故事，並表示他們無野幫到我。即使佢地嘗試聯絡醫生，結果都係一樣。當時我仍然成口都係attachment, 我嘗試搵過其他牙醫睇，超過十間，每一個牙醫都表示唔會接"二手case" 診所姑娘亦透露失敗case 好多，唔會有牙醫肯"汁手尾" 結局：牙形不但無改善過，比未㧜前更嚴重，比左5萬蚊，好無助咁停左療程，即使去消費者委員會都幫唔到。 所以大家真係要三思！

真係要慎選牙醫，原本呢種cool牙新技術都唔係唔work, 只係有d醫生為左利益而冇好好了解處理跟進病人牙醫情況; 而有d醫生直頭唔係cool牙專科醫生都亂咁答應同病人cool, 甚至出現問題都唔出聲， 令部分人對此種cool牙失去信心! 我正正是受害者，依家cool到牙腳走出來隨時cool到部分牙齒死亡，所以要中途停止仲要抖半年都唔知救唔求救得到，好徬徨... 希望業界既人真係好好反思下搵銀之餘係咪要有d醫德呢?! 因為牙齒對人維持生命都擔當一個好重要角色!

小心選診所，d診所錢就收左，follow得又差，每次見醫生要等45mins以上，極後悔。我箍左三年都未箍好。

我已经带完了所有牙套,要在加牙套,效果也是跟拼图好大出入,但是跟預期的拼图相差太远了,医生拼图只供参孝,是一個失敗的個案,現在正改用鉄线,好失望,给各位分享。最不想鉄线都要無奈接受,如果唔是也再没有办法,隱形牙套。也不能帮牙齿拉直,选择牙套請三思,选择錯了简直是哲磨。